Mizo Elite News hi ṭha i tihzawng a nih chuan min lo Follow dawn nia

Chhuanthar Hruaitu Thi A Puan Tawh Pu Ziona Chu A Marphu La Awm In A Pangti A La Lum Vangin Vuiliam A La Nilo

Kan hriat angin Chhuanthar Hruaitu Pu Ziona Kum 77 chu Dt. 13.6.2021 (Pathianni) tlai Dar 3:00 khan Trinity Hospital Aizawl ah a boral puan a ni.

Amaherawhchu, Doctor ten a thi tih hi confirm in puang tawh mahse, a chenna thlenpui a nih hnuah, a mar te rawn phu thar leh in, vawiin Ni 14.6.2021 (Thawhṭanni) chawhnu lam thleng hian, a mah hi a pangti a la lum a, Oximeter ah a marphu la awm in a taksa pawh a la khawng lova. Heti chung a invui liam mai hi a nupui fanau, tu leh fate bakah, Chhuanthar mipui ten thil tih chi ah an la ngai lo a ni.

A pangti a la lum a, a marphu la awm chhung leh a taksa khawng hma loh chu vui liam mai an la tum loh avangin, Pu Ziona vui hun hi tun dinhmun ah chuan sawi theih a la ni lo tih an hriattir.

The Zozam Times chanchinbu pawh in “Lalpa Kohhran thar, Chhuanthar Tlangnuam-a Secretary Zaitinkhuma hnen atanga thudawn danin nimina boral anga puan an hruaitu Zionnghaka chu vawiin lamah pawh a pangti la lumin, a marphu a la awm a, a taksa a la khawng lova, vui liam chi ah an la ngai lo” tiin thu an dawng.

Khawvel chhungkaw lian ber a hriat Pu Ziona hi a boral tih puan a nih khan kum 77 a ni a, nupui 39 leh fa 89 neiin tu 33 zet a nei a ni.