Mizo Elite News hi ṭha i tihzawng a nih chuan min lo Follow dawn nia

Cheryl lakah kianzai relin Liam Paynea’n hmeichhe thar a tawng

Hnampui lam hian hmangaihna hi an la serious vak lem lo a ang. A bikin milarte ah hian inngaihzawnna leh nupui/pasal inneih hi chu inkhualtelem vel mai mai ah hian an ngai emaw tih mai tur zawk a ni.

A changin inhmangaih hmel takin an awm a, a hnu ah inṭhen in midang ṭangah an bei nghal zui leh thei zel a ni.

One Direction star, Liam Payne (kum 26) pawh in a fa neihna hmeichhia Cheryl lak aṭang a inthiarfihlim ta hmak a nih hmel. A tichiang turin London ah hmeichhe pakhat a lenchhuah pui hmuh fuh a ni ve leh ta tlat mai a, mahsela in date ang chuan phatna thu ala awm cheu.

Liam Payne an hmeichhia a chhuahpui hi model Maya Henry a ni a kum 19 leka upa ala ni nghe nghe. Pathianni zan khan London a Mayfair venue Novikov lamah zanriah ei a an inzui chu Paparazzi lam ten an thla an lo la fuh leh chat.

Liam hian Maya Henry hi an chhuahdunna ah hian alo care thiam viau niin an sawi bawk. Source in mailonline a hrilh dan chuan an pahnih hian an inkawp ngei a an hlim dun hle an ti.

Liam Payne hian a kawppui hmasa Cheryl lakah fapa a nei a. Cheryl nen 2016 kum tir lam aṭang an inkawp. Mahsela July 2018 khan an inṭhen. Liam hian Maya hi a fapa hringtunu Cheryl aiawh tu atan a thlang em tih chu hunin ala hril chho zel ang chu.

DM