Mizo Elite News hi ṭha i tihzawng a nih chuan min lo Follow dawn nia

Chenna In Neiloa Khawlaia Vakvai Pa Chu A Lu Meh Sak A Nih Hnuah A Landan Thar Atang A Chhungten An Zawngchhuak

Brazil rama Goiânia a mi João Coelho Guimarães tih hmingpu hi khawlai ah khawsa in kum tam tak chhung chu a lo vak vai tawh a, vanneihthlak takin tanpui a nih hnu ah a lu te meh sak in a landan thar chu Internet ah phochhuah sak a ni a, heta tang hian a chhungte nen an inzawnchhuah leh theih phah ta a ni.

Guimarães hi a chhungte chuan a bo hnu atang in zawn ngaihna pawh an hre tawh lo a, a thi tawh niin an lo ring hman hial. Mahsela thi lovin kum 10 lai a lo tei rawlai zawk alo ni.

Businessman leh Brazilian country singer ni bawk Alessandro Lobo nen an in tawng fuh hlauh a, Alessandro Lobo hi mipa lam thil men’s fashion store leh barber service nei tu a ni. A dawr Padoo ah chuan bur kengin a kal fo a, nikhat chu chhunglamah chuan a lawi lut ve. Loba hian a hmuh phat hian tanpui turin a lo in hawng nghal em em a Guimarães hnen ah chuan a riltam em tih leh eng thil nge a ei duh tih te alo zawt nghal zung zung.

Guimarães chuan ei tur vel ai ah chuan a khabe hmul buk tak te chu an tihfai sak thei zawk em tih a lo zawt. Alessandro Lobo leh a Staff te chuan a landan zawng zawng chu an thlak danglam sak ta vek a, a khabe hmul bakah a sam te leh a thuamhnaw thlengin an lo thlak sak vek a ni.

Lobo hian Guimarães chu mi zakzum leh tawng tam lo tak a ni a ti a, a landan thar avangin an chungah pawh a lawm hle thu a sawi. A inthlak danglam dan hmuhnawm tak chu midang in thil tha an tihna kawnga fuih phurtu atan a pholang a, a lar zui nghal hle. Guimarães chhungte atang a nu leh a unaunu te pawhin thlalak chu an lo hmu a, rei tak an lo zawn tawh an chhungkaw zinga mi ngei kha a lo ni reng tih an hrechhuak ta a ni.

A chhungte hian Lobo hi an be pawp nghal vat a, an in bo dan leh kum 10 thi tawh anga an lo ngaihthu te chenin a chhung te hian an lo hrilh. Guimarães hian biak pawhna tur leh address kimchang a neih loh vangin an awmna kiang hnaihah chuan an zawng ta tawp a, a tawpa tawpah chuan hlim takin an inhmuh leh theih phah.

A unaunu nen an inhmu leh chu an inkuah vawng vawng a. In lama hruai haw a tum ah Guimarães hian in a haw chu duh lovin khawlai ah chuan a zalen zawk thu alo sawi a ni.