Mizo Elite News hi ṭha i tihzawng a nih chuan min lo Follow dawn nia

Chenna in nei lo in khawlaia a ui piancham a lawm dan chuan mite thinlung a hneh hle

Ran te hi mihring te tan thian tha tak an ni a, ui te ngat phei hi chu an fingin chhungkaw mi leh sa ang maia en thin an ni bawk.

Social Media lam a he video clip rawn darh chiam hian mitam tak thinlung ah nasa takin thu a sawi a, chenna in neilo pa pakhat chu a uite pahnih zinga pakhat zawk piancham lawmin hlim takin hun an hmang.

He video hi tarlan danin Bucaramanga, Colombia a thleng ani a, video a mi hi a hming Choco a ni. A ui vulh te nen hian an chhuak dun hmuh alo ni fo tawh thin tih an sawi.

Choco leh a ui te hi step ah an thu, Party lukhum khum in bag atang birthday cake leh candle chu a phawrhchhuak a ‘Happy Birthday’ hla sa chungin an pathum hian tudang mah ngai lovin hlim takin piancham hi an lawm ani.

Video hian 5.78 lakh ai a tam hial thlir a hlawh a. Lo hmu tu te chuan an thinlung a hneh zia an tarlang nasa. Mi pakhat chuan ui te chu thian tha ber an ni a, mihring te ai pawh in kawng tam takah an rinawm zawk tih a sawi hial ani.