Mizo Elite News hi ṭha i tihzawng a nih chuan min lo Follow dawn nia

Chenna in kanga a fate a chhanna ah a taksa 60% zet a kang

Nu hmangaihna chuan a fate mangang leh thlabar taka an awm chu a thlir ringawt thei lo. A nunna hial pawh chan huamin a fate damkhawchhuahna tur a nih dawn phawt chuan mei alh karah pawh nise engmah in a dal lo.

US state Michigan ah chuan chhungkaw chenna in pakhat ah kangmei rapthlak tak a chhuak a, in kang chhungah a fate chu tangin, nu ber in kangmei kara a fate a chhanchhuahna ah hian a taksa nasa takin a kangchhia ani.

Firefighter te pawh a hmun a an thlen chuan mei alh hian in chu alo tuam hlup hlup tawh a. Lt. Derek Klink leh Captain Scott Basar te chuan nu in a fate a venhimna tura a thil tih chu huaisen an tih zia leh a lungchhiatthlak bawk thu an sawi ve hial nghe nghe.

Mikala Vash hian 1st, 2nd leh 3rd degree burn tuarin a taksa 60% zet chu a kangchhia. Mikala Vash hi damdawiin ah rang taka hruai a ni a, a taksa hi a kang (burn) nasat vangin surgery nei tura tih a ni bawk. Tube vuah sakin tawng pawh a tawngchhuak thei lo.

A fapa pawh a taksa hmun thenkhat a kang nual a, an nufa hian skin graft surgery an neih a ngaih phah. Mikala Vish leh a fate chunga vanduaina tawpkhawk a thlen hnu ah an pual hian tanpuina turin GoFundMe page hawnsak an ni a, ni 3 chhungin $145,856 lai tanpuina hi mi inphal te atang hmuhchhuah ani.