Mizo Elite News hi ṭha i tihzawng a nih chuan min lo Follow dawn nia

Chawlhkar 3 A Upa Naute Chungah Vanneihna

Hri leng mek a boral leh vei thar hriat tur tam tam karah naute chungah vanneihna in thla a zar leh ta hlauh mai.

Bellshill ah naute piang hlim deuh chauh Peyton Maguire chu April 15 khan hri leng mek Covid-19 a Positive tih hriat a ni.

Peyton Maguire hi March 26 khan thla kim lo in a piang. A pian hun hma kar 8 na ah piang. A nu Tracy hian pre-eclampsia a vei a, hei vang hian a hrin hun hma in University Hospital Wishaw ah C-section in a nei.

A pian hlim hian Peyton hi 3lb 11oz chauh a ni nghe nghe. Mahsela vanduaithlak takin Covid19 hi a lo positive ve a, a symptoms pawh hi a lang chhuak em em lo.

Ni 14 an fa lak aṭanga awm hrang turin a nu leh pa Tracy Maguire leh a pasal AJ Maguire te hi hriattir an ni. Amaherawh chu Tracy hian Medical lam hnen ah hian a fa kianga inkhung ve hi a dil a, an phal sak. Medical Care lam ten theihtawp chhuah a an enkawl hnu in naute Peyton hi Covid19 hri aṭang a damchhuak.

Scotland a Covid19 hri aṭang enkawl dam naupang ber a nih an rin thu an sawi bawk. Test vawi 2 lai a negative hnu hian Thawhṭan zing khan Hospital chhuahsan an phalsak.

Mrs Maguire chuan midang nu leh pa te hnen ah thu a chah a, symptoms angin an awm emaw an hriselna lama serious tak an neih chuan damdawiin lama kal hreh lo turin a chah a, staff te hian virus laka fihlim vek turin theihtawp in an fimkhur tawk thu a sawi a ni.

DM