Mizo Elite News hi ṭha i tihzawng a nih chuan min lo Follow dawn nia

Central China Ah Tuilian Vangin Mi 25 Ten An Nunna Chan Tawh

China ram chuan tunah hian tuilian vangin chhiatna leh harsatna namen lo an tawng mek. China’s central Henan province, Zhengzhou ah ruahsur nasa lutuk vangin tui a lian chiam a, khawlai leh kawtthler zawng zawng te tui in a chim tawh.

A tlem ber ah mi 25 ten tuilian avang hian an nunna an chan tawh a,Zhengzhou a Subway a tang zingah mi 12 an thi tih hriat ni. Hetiang anga China in tuilian nasa mangkheng a tuar hi kum tam hriat a ni tawh lo.

Thlalak leh video clip hmuh theih atang tuilian hian a chim chin a sang zel a, a mi chengte awm (chest) leh nghawng thleng vel te a ni. Chenna in leh motor tam tak te chu tui hian a chim pil tawh bawk.

Zhengzhou city ah hian population hi maktaduai 12 vel anga tarlan a nia,subway line lama train chhunga tangkhang te an khawngaihthlak in, Thawhleh zan khan Subway atang hian mi 500 vel chu chhanchhuah an ni.

Mi 200,000 vel te chu hmun him lamah sawnchhuah mek an nia, province dangah highest-level emergency alert an puang. Ruah hi a sur zel avangin chhanchhuah hna pawh thawh zung zung a harsa a, President Xi Jinping pawh a mangang hle.

People’s Liberation Army (PLA) te an che chhuak a, local authorities te pui turin 3,000 personnel a tirchhuak. Tuikhuah (Dams) ten tui chim chin thui tur vek an ni tawh a, tuilian hian a hnawlchhiat mai a hlauhawm in, hei hian harsatna lian zawk a thlen phah thei dawn a ni.