Mizo Elite News hi ṭha i tihzawng a nih chuan min lo Follow dawn nia

Centibillionaire Pathumna Ah Facebook Neitu Mark Zuckerberg

Billionaire pawh a sang tawh hle a, Billionaire pawh la ni mai lo a aia sang zawk Centibillionaire phei chu a rapthlak lam lek lek zawk hial a ni. Keini in kham khawp ngawr ngawr kan neih lai hian khawvel hi chu a inkhuanrual lo ṭhin teh e.

Facebook neitu pa leh hotu ber kum 36 a upa Mark Zuckerberg chu Ningani khan a vawikhatna tan a sum neih in $100 billion a hawlh pel ta a, centibillionaire thar ah a hming puan a ni.

Mark Zuckerberg hi Centibillionaire ni thei naupang ber nihna a hauh zui nghal bawk a. Khawvel ah hian Centibillionaire hi pahnih chauh la awm in Jeff Bezos leh Bill Gates te an ni a Zuckerberg hi pathumna a rawn ni ve ta chiah.

Bloomberg Billionaires Index tarlan dan chuan Zuckerberg sum tam zawk hi Facebook a 13% stake aṭang a ni. Covid19 len lai hi technology companies te tan erawh malsawmna alo ni thung a, an hausakna a pung nasa hle.

Zuckerberg pawh hi kum in ah a hausakna $22 billion reng reng in a pun phah a, khawvela hausa ber ni lai Amazon neitu Bezos hausakna hi $75 billion reng rengin a pung bawk.

TOI