Mizo Elite News hi ṭha i tihzawng a nih chuan min lo Follow dawn nia

CDM Thlawptu Damdawi In A Hnathawk Leh Damlo Te An Hnawhchhuah Vangin Damlo Tam Tak Talbuaiin Nunna An Chan Phah Hial

Myanmar sipai te chuan an nunrawnna an la lantir chhunzawm zel a, mitthi ruang hmuh nuam lo tak tak te pawh minute tin maiin hmuh tur ala awm chho reng a ni.

Chin State thenkhat ah chuan damdawi in atang hnathawktu te leh damlo enkawl ngai em em te chu CDM an thlawp vangin damdawiin atang hnawhchhuah an ni a, heng hnathawktu leh damlo khawngaihthlak tak tak te hian CDM thlawp zel an tum si vangin an bungrua te telin an in thiarchhuak nghal rum rum.

Damlo thenkhat kal thei lo te pawh an inzawnchhuak a, hetia hnawhchhuah an nih takah chuan damlo thenkhat nunna in a tawrh phah ngei dawn a ni tih pawh a chiang reng.

Chin News Today in a tarlan dan in Halkha a damdawiin atanga chhuak ve zinga mi tlangval kum 26 a upa Aung Lin Tun chuan a natna tuar lovin a thihpui thu an puang tawh.

Tarlan danin Aung Lin Tun hi damdawiin ah hian February thla khan a lut a, a natna pawh a ngaihtuahawm hle a ni awm e. Mahsela sipai ten damdawiin atang an hnawhchhuah vangin atan damkhawchhuah ngaihna reng a awm tawh lo a, a thihpui ta a ni.

Sipai te hian damlo na tak tak te ngaihtuahna thinlung reng an pu bawk silo a,damlo nunna chan phah a mual mual chu an awm nual a rinawm hle.