Mizo Elite News hi ṭha i tihzawng a nih chuan min lo Follow dawn nia

Catherine Zeta-Jones leh Michael Douglas te nupa chu 73rd Emmys ah mite mit fukna an ni

Kum 51 a upa ni tawh chunga chuai thei reng reng lo Actress, Catherine Zeta-Jones leh a pasal kum 76 mi Michael Douglas te chu 73rd Annual Primetime Emmy Awards ah Red Carpet zawh dun in mite mit fukna ber pakhat ah an tang.

An kum lam thlir chuan upa viau tawh mahse an chezia leh khawsa dan ah erawh an upa lem lo. Zeta-Jones hian Burgundy Gown mawi zet a rawn ha chhuak a, Lorraine Schwartz thi (necklace) a awrhchhuak. Kum 50 ral a pel tawh tih reng a hriat miah loh.

Emmy Awards ah hian a pasal Michael Douglas hi a film ‘The Kominsky Method’ hmang in Lead Actor, Comedy ah nomination a hmu a, Catherine Zeta-Jones hian a pasal hun pawimawh tak ah hian a tawiawm a ni.

Michael hi lawmman hum haw tu zingah tel kher lo mahse thil chhinchhiahtlak tak a hnuchhiah tawh hrim hrim a, Emmy nominations 10 lai a hmuhna a ni tawh. ‘Behind the Candelabra’ hmangin Mini-Series/ Movie ah Outstanding Lead Actor a lo dawng tawh nghe nghe.