Mizo Elite News hi ṭha i tihzawng a nih chuan min lo Follow dawn nia

Care Worker Chuan Protective Suit Inbelin Chawlhkar 7 Hnuah A Fanu A Pawm Ve Ta

Hei zet chu rilru a va han khawih ve le. Hripui vangin hmangaih leh hmangaih te pawh an inṭhen a lo ṭul ta a.

Stalham, Norfolk a mi Lisa Cave,40 hi care home ah hnathawh a ngai a, hei vang hian a fanu a hmangaih em em kum 7 mi Ruby chu a pa kiangah hnuchhiah in alo kalsan a ni.

Ruby hian asthma natna a vei a, hripui vei leh chu atan a hlauhawm zual zawk avangin atana a ṭhatna tur leh himna tur zawk ngaihtuah in a pa Paul kiangah hian a hnuchhiah.

Lisa chuan “nitin kan inbia a, hmuh pawh kan inhmu. Amaherawh chu ka kuta chawi a han pawm chu thil theih loh leh beiseibo tak a ni” tiin a sawi.

Mahsela a fanu a ngaih em avang hian a kut ngeia pawm chu a chak ngawih ngawih a, protective suit inbel in chumi chhan ah chuan a fanu hi a lo pawm. Chawlhkar 7 zet an awmhran hnu ah hmaichhan ngeiin a vawikhatna atan an inhmu a ni.

Ruby hian a nu Lisa hi Protective Suit inbel a a hmuh tirh hian amah a ni tih a lo hre lawk lo. Britain ah hian Care Worker tam tak te chu an hmangaihte nen an inṭhen a, a ṭhen chu hotel, caravan leh tent ah te an khawsa.

Lisa chuan “duhthlanna siam harsa tak a ni. Ka fanu hian min mamawh em em a, mahsela mitam tak in keimah ah rinna an nghat si a” tiin alo sawi.

Mirror