Mizo Elite News hi ṭha i tihzawng a nih chuan min lo Follow dawn nia

Cardi B In A Pasal Nen An Inkar Chhut Chah A Duh

“WAP” rapper Cardi B chuan a pasal Offset nen an inkar chu tihtawp a duh a, kian zai inrelsan an tum.

Thawhlehni khan ‘Bodak Yello” rapper hian Atlanta, Georgia a Superior Court ah inṭhenna document a file hmak. An hming dik tak Belcalis Almanzar leh Kiari Cephus in a thehlut. TMZ lam in Cardi B leh a pasal te chungchang hi a rawn tarlang.

Cardi B leh Offset te hi 2017 khan secret ceremony in an innei a, fanu pakhat kum 2 mi Kulture an nei bawk. Kum 3 lai an inneih hnu ah inṭhen hi an tum ta a ni.

An nupa inkar hi a chiang lo ve hle. Chhungkaw inrem tak in an awm thei bik lo. In uire sanna hial a thleng a, Offset hian Cardi B hi hmeichhe dang a lo kawp san. Hei hian an nupa inkar boruak a tihchhiat phah. Source pakhat chuan Cardi B zawk hi dawh hram hram tu ah a ṭang tiin a sawi a, a chhan pawh engdang vang a nilo a fanu vang chauh an ti.

Court document aṭanga a landan chuan inrem leh thei hian an mawi tawh lo thu chiang takin a lang a, an inzawmna hi a ṭhat leh mai hmel tawh lo a ang an ti. An nupa inṭhen thu hi Hollywood Unlocked lam ten an tarchhuak hmasa ber.

Celebrity Net Worth in a chhut dan ah an nupa hausakna pawh a inzat hle. Cardi B hausakna hi $24 Million vel a ni a, Offset hausakna hi $26 Million a ni thung. Offset hi a nupui Instagram a a lan hnuhnung ber chu August 20 daih khan a ni tawh. Video clip a share ah a ni.

2018 ah Cardi B hian amah rinawmloh san ah a puh a, hei hi fanu a neih aṭang thla 5 hnu lawk ah a ni. Hemi ṭum hian an awm dun theih tawh loh tur thu sawiin Offset pawh hian Cardi B hnenah ngaihdam a dil  chul a, hun ṭha dang siam sak leh turin a ngen bawk. Cardi B pawh hian a ngaihdam dilna hi a pawmsak leh aniang chu 2019 aṭang an inkawp leh. 2017 ah hmeichhe dang nen Offset hi scandal chungchang ah alo inhnamhnawih ve bawk. Offset hian Kulture bakah hmeichhe dang lakah fa 3 a nei tawh nghe nghe

DM