Mizo Elite News hi ṭha i tihzawng a nih chuan min lo Follow dawn nia

Car Ah Hruia Thlunga Leia An Hnuh Tak Ui Kha Tunah Chuan Hmun Him Ah A Awm Ta

India ram Kerala a ui khawngaihthlak tak kha kan la hre theuh awm e. A neitu in a enkawl peih tawh loh vang in a car ah hruia thlung betin a tlan pui a, lei ah alo hnuk hrep.

He ui hi Abbakka tia koh a ni a, a enkawl tu in hrehawm taka a siam lai video pawh Internet ah phochhuah a ni.

Mahsela tunah erawh Abbakka hi hmun him ah a awm tawh a, enkawlna tha tak hnuai ah dah a ni. A enkawl tu hmasa in Car a a hnuk lai a darh hnu khan animal welfare organization ten a neitu hnen atang an chhan chhuak a,Daya Animal Welfare in tha takin an enkawl.

Daya in post an siam ah Abbakka hian tunah note 3 a nei mek tiin a dinhmun a that chhoh zel thu an tarlang. Charity lam hian no a pai thu hi an hre lawk lo tih an sawi a, chhanchhuah a nih khan test hrang hrang an neih ah pawh engmah a lang lo. Mahse thla hmasa a scan an neih leh ah ni 58 a upa no a pai reng tih an hrechhuak ve chiah.

A neitu Yousuf chuan a ui hi a nin tawh em avang in khatiang thil ti kha niin a insawi a, Car hmang a hnuh a nih vang khan Abbakka hi a ke ah hliam a neih bakah a vun te chu pilhin a thler nual bawk a ni.