Mizo Elite News hi ṭha i tihzawng a nih chuan min lo Follow dawn nia

Car Accident Rapthlak Avanga Nunna Chanta Miss Kerala Runner Up Kha A Nu Hmu Tura A Let Lam A Ni

Thawhtanni mai a Car Accident rapthlak tak thleng chuan India ram a barakhaih a, nunna chan ta te hi Miss Kerala leh runner-up hial lo ni tawh an nih vang te in ngaihven a hlawh zual.

Manorama in a tarlan dan in Miss Kerala 2019 runner-up Anjana Shajan hi Kochi atang in lamah a nu kianga awm tura a haw lam a ni a, a nu hi amah chauha a chen lai mek a ni tih hriat a ni.

Anjana pa hi Aluva ah hnathawk in a awm a,a unaupa hi Kochi ah vek a awm bawk. A ngaih em em a nu hmel hmuh hlan nghakhlel taka a haw kawnga a chunga thleng hi a nu tan tak pawh in tawrhthiam a har viau ang.

Nunna chan pakhat zawk Miss Kerala 2019, Ansi Kabeer hringtunu phei chu a fanu chanchin a hriat hnu khan mahni intihhlum ve hial a tum tih Manorama in an puang.

Chetsualna thlenna hmun hi Chakkaraparambu a Holiday Inn hotel hnaih lawkah a ni. Car khalh tu hian hma lama two-wheeler rawn tlan chu sut a hlauh lutuk na ah Car hi a thunun zo tawh lo ni in a lang.

Car ah hian mi 4 an chuang a, pahnih te pawh hi an dinhmun ngaihtuahawm tak a ni. Car pawh a chhe hneh hle a, he chetsualna thlen dan hi Police te chuan uluk takin chhuihna an la thawk chhunzawm mek zel bawk.