Mizo Elite News hi ṭha i tihzawng a nih chuan min lo Follow dawn nia

Cannes Film Festival ah hmeichhe pakhat tlanlut in pawngsual duh lohna a lantir

Zirtawpni liam ta khan France a festival ropui tak neih mek Cannes ah hmeichhe pakhat chu Red Carpet ah kekawrte chauh ha chungin a tlanlut tih hriat ani.

He hmeichhia hi tunge tih leh khawi lam mi nge tih hriat a nilo a, “Three Thousand Years Of Longing” film khuh hawnna an neih lai mek a thleng niin mak tih pawh a hlawh hle nghe nghe.

A taksa ah hian thisen lam rawng a sen in a in tial a, thu a inziak kai bawk. Pawngsual na ti tawp turin a auchhuak. A hnute leh dul zawn chu Russía in a rún mek Ukrainé flag rawng a tial in ‘pawngsualna thleng titawp rawh u’ tih langsar tak in a inziak ani.

He hmeichhe rawn lanrual hian thlalatu tam tak fuankhawm ten an Camera an tin zawn nghal fur a, Security ten rang taka dinchilh in a taksa chu thuamhnaw in an khuh sak hnu ah Red Carpet atang hian an hruaichhuak thei ta hram a ni.

Ram pahnih buaina ah Russía sipai ten Ukraíne hmeichhia te chung ah rawng tak a che in pawngsualna an tawk nasa hle tih hriat a ni a, hmeichhe tam tak an zahawmna hloh a mangang thlabara hun hmang mek te tan a rawn dingchhuak.

Cannes Film Festival hi cinema events ropui ber tia chhal ani. Kum tin Cannes, France ah neih thin a ni a, Festival ah hian khawvel a film lar tak tak premieres leh screening na hun hman a ni bawk.