Mizo Elite News hi ṭha i tihzawng a nih chuan min lo Follow dawn nia

Cannes Festival Ah Ronaldo Bialnu Georgina Rodriguez A Inlan

Georgina Rodriguez hian kum liam ta pawh khan Festival hi a lo chhim fo tawh thin a, he hun ropui tak hi a ngaihlu thiam khawp tih a hriat hle bawk.

France khawpuia Film Festival neih mek Cannes Film Festival vawi 74 na ah Portugal footballer, Cristiano Ronaldo bialnu Model, Georgina Rodriguez chu nimin Ningani khan inlan in Red Carpet a rawn zawh ve a, thlalatu tam tak Photographer te chil pawh a ti put leh hlawm khawp mai.

Festival a a thuamhnaw mawi tak inbel thigh-high slit chocolate brown gown hian ngaihven a hlawh zui hle. Infiamna khawvel a mi hmingthang chungchuang Ronaldo bialnu a nih vang ringawt pawh in a che vel a piang hi Media te bengkhawn ber a ni tawh.

Tunhnai mai khan Report thenkhat in Georgina hi Ronaldo nen an fa pahnihna tur pai leh mek ang in thu thang a awm, hei hi a unaunu in Instagram a thlalak a post chhuah atang a ni. A bialpa Ronaldo leh a fate nen Mallorca ah hmanni khan vacation hmangin an chhuak ho bawk a ni.