Mizo Elite News hi ṭha i tihzawng a nih chuan min lo Follow dawn nia

Cancer Natna Vei Mipa Naupang Chuan Thih Ala Duh Loh Thu Sawiin A Pa Hnenah Theihtawpa Enkawl Zel Turin A Ngen

China rama Cancer natna vei mipa naupang chuan a pa hnen ah a dam theih na tur ngaihtuah sak hram turin a ngen a. Chu zet chuan Pa rilru leh thinlung a ti na tak zet a ni.

Mipa naupang kum 5 upa hi Wang Yan a ni a,Heilongjiang, China a awm a ni. Kum 5 a upa chauh niin vanduaithlak takin Cancer natna in a taksa ah bu a khuar sak a leukemia in a tlak buak.

A natna aṭanga a damchhuah theih nan enkawl in mahsela thla 9 chhung treatment a lak hnu ah pawh eng a ang thei lo a, ṭhat lam a pan thei meuh lo. In senso pawh a sang a thla 9 chhung enkawlna ah an pawisa neih ang chhun te an hmang zo tawh.

Enkawlna senso tur an neih tawh loh vang in kawng dang thlan tur an nei tawh lo. Kawng awmchhun chu an fapa hi in lam a hruai hawn a, a boral nghah ringawt chu a ni. Rilru a va na dawn em.

Wang Yan hi 2014 khan piangin, a pian tirhah pawh naupang hrisel ṭha pangngai tak a ni. Mahsela 2018 a herchhuah chuan a damlo ṭan a, damdawiin a an hruai hnu ah doctor te chuan lymphoblastic leukemia chu a vei tih an hre ta a ni.

Chemotherapy te a han la chho a, mahsela changkan lam a pan theih loh vangin a mangan thlak hle. Doctor te pawh in enkawl dam theih an beisei tawh lo. Chemotherapy chu a damna nilo in a thih hun an tihkhawtlai/pawhseina ve mai chauh a ni.

Enkawlna senso an neih zawh tak loh vangin an fapa Wang chu in lama hruai haw mai turin rilru an siam a, mahsela Wang hian a pa hnen ah chuan “Pa ka nunna hi min chhan sak hram rawh. Thih ka la duh lo” tiin a lo hrilh.

A fapa thusawi zet chuan a va deng na em. Mahsela miten an chanchin an hriat in ṭanpui duh tu tam tak an lo awm ṭeuh a, netizen te aṭang Wang inenkawlna tur khawp sum an dawng.

Wang Yan nu leh pa te pawh an chunga mite ṭhatna ah an lawmzia an tarlang. “Kan chungah mite an fel em em a, kan fapa Wang Yan tan hian a damchhuah leh theih nan theihtawp in kan bei ang” tiin an lo sawi a ni.