Mizo Elite News hi ṭha i tihzawng a nih chuan min lo Follow dawn nia

Cancer leh hripuiin a tlakbuak kum 75 a upa chu a thih hma lawkin a hmangaih tak nen an innei a, a hnu reilo ah chuan…

Las Vegas, Nevada a nupa tuak te chu an inneih atang ni tam pawh ala liam lo tihah thihna in a pawt then a, damchhunga inhmu leh ngai tawh lo turin an inthlahliam.

Eddie leh Patty te hi kum 75 leh kum 74 a upa an ni tawh a, 1970s khan a vawi khat nan an lo innei tawh. Mahse kum 1 a rei an inneih hnu ah an inthen a, an mahni duh lam kawng ve ve zawhin an kal hrang ta ani.

An nupa inkar an chhut chah hnu hian an inbe pawp zui lem tawh lo a. Rei tak chanchin an inhriat tawh lo hnu ah chuan kum 5 liam ta a Eddie piancham ah Patty hian message a va thawn a, heta tang hian an inkar chu zawi zawiin a tha chho leh.

Eddie hi a hma in kum 33 chhung military ah hun a hmang. October 2021 khan Cancer a vei tih hriat a ni a, Cancer natna bakah pneumonia leh COVID-19 te tuar lehin ICU ah enkawl ngai hialin a awm ani.

January 24 ah Eddie hian a nupui hlui Patty hnen ah innei tha leh turin a sawm. Patty pawh chuan a pasal hlui chu nei leh turin “aw” tiin chhanna alo pe. Eddie natna vangin damdawiin a chhuak thei lo a, hei vang hian hospital room ah chuan a vawi 2 nan nupa ah an insiam leh.

Room chhung chu pangpar hmangin chei a ni a, bangah chuan ‘Just Married’ tih a inziak. Hlim taka an inneih zawh hnu ah chawlhkar khat em pawh a liam hma in thihna chuan a pawt hrang nghal a. Inneih hun serh an hman atang ni 2 a liam hnu Jan.28 ah Eddie hi a boral ani.