Mizo Elite News hi ṭha i tihzawng a nih chuan min lo Follow dawn nia

BTS ten Indian fans te hnen ah chhel taka awm turin an fuih

South Korean music sensation BTS te hian India ram ah pawh fans tam tak an nei a, heng an fans India rama hun thim tak hmachhawn mek tu te hnen ah hian BTS te chuan hripui do na ah hian beiseina nung nei hram hram turin an fuih.

“India ram te kan tawngtaina ah in awm reng a ni. Army te chhel takin awm ula, inbeiseina kha hloh reng reng suh ang che u” tiin group member V chuan PTI te a hrilh.

BTS te hi hma hun lo awm turah India ram ah hian Music Tour neiin an fehchhuah lo ang tih a sawi theih loh. Pathianni zan khan 2021 Billboard Music Awards semna ah an Single thar “Butter” chu an perform a ni.

He an hla chungchang zawhna an dawn chuan “fans (Army) te nen a kan hlimpui tlan theih turin summer song nise kan duh a,chu mi tur chuan kan single thar ‘Butter’ hi a tling tawk hle a ni” tiin an sawi.

BTS te hi kumin Billboard ah hian Category hrang hrang 4 Top Duo/Group, Top Song Sales Artist leh Top Selling Song for Dynamite ah te an lang a, Nomination an lanna ah Awards te hi an hui vek bawk.