Mizo Elite News hi ṭha i tihzawng a nih chuan min lo Follow dawn nia

BTS Online Concert Thawm A Ring Ṭha, Chhimtu Maktaduai 100 Chuang

Khawchhak lungpui chu a lum mai nilovin a tleh in a rawn tleh a ni ber mai. BTS te chuan Coronavirus vanga kumin World Tour an Cancel hnu ah Online Concert an buatsaih.

Inrinni ah Map of The Soul ON:E Virtual Concert hi an huaihawt a, rinlawk leh beisei lawk ang ngei in a hlawhtling bawk. Online Concert hi chhimtu mi maktaduai 100 ai a tam an nei thei.

South Korean government lamin social distancing an kalpui vangin Audience tela Show neih a remlo. Hei vang hian kawng dang an buatsaih a, fans te tih beidawn duh lovin Virtual Concert hi an huaihawt ta a ni.

Khawvel hmun hrang hrang aṭang an fans Army te chuan light sticks nen Concert hi an chhim. Fans te inbiak theihna turin chatroom hawn a ni bawk.

Hriat theih chin ah Concert chhimtu hi maktaduai 114 vel zet an ni. BTS te hi Asia bakah Europe khawmualpui thleng in thawm an nei na in an lar vet vet hle.

Tunhnaia an hla tihchhuah thar leh an English hla hmasa ber ni bawk “Dynamite” chuan darkar 24 chhungin Youtube ah thlirtu 98.3 million a nei a, nikhat chhunga video en tu ngah ber record an siam zak zak a nih kha.

Nikum khan United Kingdom a Wembley arena a Concert an neih ṭum in ni 2 chhungah fans 120,000 zet pungkhawm in Online lam ah 140,000 in an chhim bawk.

Independent