Mizo Elite News hi ṭha i tihzawng a nih chuan min lo Follow dawn nia

BTS Member Zinga Mi J-Hope Chuan A Piancham Pualin Midang Te Tan A Luangchhuak

Global popstars BTS te hi Music Industry ah thawm nei na ber pawl an ni a, an lar ang bawk in midang tanpuina kawng ah pawh an thil phal hle.

February 18 khan BTS Group zinga mi J-Hope chuan a piancham vawi 27 lawmna neiin, a piancham lo thleng ah hian chanhai zawk te tan tanpuina pe in a luangchhuak a ni.

J-Hope hian an ram South Korea a naupang rualban lo te chhawmdawl nan a pawisa 150 million won chu tanpuitu pawl ChildFund Korea ah a pe a, a pawisa pek hi India pawisa chuan cheng nuai 98 vel teh meuh a ni hem mai.

ChildFund Korea hi Republic of Korea a most influential international nongovernmental organizations zinga mi an ni a, naupangte hamthatna leh hmakhua ngaihtuah tu pawl an ni.

Amah mai bakah a fans te pawn tanpuina hun hmang hian an lo fehchhuak tawh thin a, August 2020 pawh khan J-Hope hian South Korea a local charity hnen ah cheng nuai 65 lai a lo pe tawh nghe nghe bawk. Hripui Covid19 vanga naupang sum leh pai lama harsatna tawk te tanpui chu a thil duh ber a nih thu a sawi a ni.

Tin, J-Hope hi Green Noble Club ah member a ni a, Club ah hian 100 million won lai alo donate tawh bawk.