Mizo Elite News hi ṭha i tihzawng a nih chuan min lo Follow dawn nia

BTS leh Justin Bieber te thawhdunna tur a ri ret ret

Mahni tawk a huhang nei lian em em te pahnih chanchin thar chuan rimawi huangchhung a rawn chhem alh nasa leh tawh mai a, fans te atang nghakhlel em em an kat leh nuk tawh mai.

A hma in Selena Gomez leh BLACKPINK’s epic collaboration ‘Ice Cream’ tihchhuah a lo ni tawh a, tun tum chu Justin Bieber leh BTS te thawhdunna tur chungchang ah thu thar a awm ve leh ta.

Page Six ten an Report dan in Belieber leh Army te lo nghakhlelh em em chu a thleng ngei dawn a nih hmel a, Source rintlak takin Justin leh South Korea Band, BTS te thawhdun tur chungchang hi alo hrilh, he collaboration tur atan hian hun an hmang mek tih a sawi bawk.

Page Six’s insider te sawidan chuan in he an thawhdunna hla tur hi Justin Bieber album thar ber Billboard 200 No. 1 a kaipui hial Justice Deluxe Edition zingah a tel an ring.

Justin leh BTS te thawhdun tur chungchang hi an mahni lam atang Confirm chiah la awm lo mahsela thil thleng thei a nihna chin a awm. Thla hmasa mai khan BTS’ record label, Big Hit Entertainment tih ni thin tuna HYBE tia thlak tak chuan Scooter Braun’s Ithaca Holdings chu USD 1 billion in a lei a, Ithaca hnuai ah hian Bieber, Ariana Grande, Demi Lovato leh J. Balvin te an awm a ni.