Mizo Elite News hi ṭha i tihzawng a nih chuan min lo Follow dawn nia

BTS Jungkook vangin Fans atang Red Velvet Yeri in Instagram ah beih a tawk

Milar hringnun hi chu a chang hi chuan nawmhmel tak angin han lang mahse a ni vek bik kher lo. Nun zalen tak an nei ve thei lo a, an chetdan eng pawh mai chu fans te atang chik zui an hlawh reng thin.

Red Velvet Yeri chuan Instagram lama a in phochhuah na ah chuan BTS fans Army atang beihna a tawk ta tlat. A chhan pawh Yeri hian a thlalak post caption atan hian BTS Jungkook caption ang chiah alo hman vang a ni a. Thil ho mai mai angin lang mahse Army te lam ngaihdan erawh alo ni teuh lo.

Dec 7 ah Red Velvet Yeri hian a Instagram post hi a siam. Thlalak ah hian desserts leh coffee vel ilo nen a in pose a, a winter fashion a rawn pholang a ni. Mahse “Queendom” singer hian Caption ah smiling emoji leh heart 3 🥰 a hmang chuan Army te a ti thinrim ringawt.

He Emoji hi a hma chiah in BTS Jungkook chuan a hmang a, Yeri hian ngaihven nih a duh nan a copy tiin an ankhum leh ta hmiah a ni. “Caption atan a a hman hi JK an a hmang, Yeri hian a copy tih a chiang reng” an ti a, “ngaihven hlawh i tum a, mahse ngaihven i ni dawn chuang lo” tiin an beizui hrep.

Reveluvs leh K-pop fandoms dangin Yeri thlavang hi an hauh nghal. Tun hi Yeri beih a tawh vawikhatna mai a ni tawh lo. Blackpink Jennie fashion style a copy tiin sawi zui a hlawh hrep tawh.

Tin, tunhnai lawk khan BTS member tho V chuan Blackpink member, Jennie a follow palh avangin News a luah khat hneh a, BTS member hian Jennie hi tihsual palh vanga follow a nihthu sawi mahse Jennie in comment mawi hnai lo tak tak a dawn zui phah ta tho.