Mizo Elite News hi ṭha i tihzawng a nih chuan min lo Follow dawn nia

BTS Jimin chu naupang Polio veite tan a luangchhuak

South Korea Boyband, BTS te hi an lar ang chiah in thil tha tih kawng ah pawh an sum leh pai neih ang te an ui loh thin zia chu an lo tilang fo tawh thin a, Organization hrang hrang tan theihtawp in hna an thawk.

BTS member zinga mi Jimin chuan October 24 a World Polio Day thleng tur denchhen in Polio vei te tan a luangchhuak a, International Rotary District 3590 te chuan July thla liam ta khan Rotary Club ah 100 million Won ($84,270.91 USD) a pe tih an puang.

Jimin hian a pa hming in donation hi a chhunglut a, a hnu ah fans ten banner kaltlangin a thil tih hi an hrechhuak rang hle. Rotary club hi non-profitable volunteer organisation a ni a, gender equality, diklo taka tharum thawhna leh ran chunga nunrawnna tih tawp, chhawmdawl ngai te puih kawngah theihtawp an chhuah. He fund hi vaccine fundraising campaign atan hman a ni dawn a ni.

BTS member te hian kawng hrang hrang in midang tan an luangchhuak tawh. Kar hmasa mai khan BTS leader RM chuan a piancham lawmna pualin Cultural Foundation of the National Museum of Modern and Contemporary Art ah 85,000 USD a pe tawh a, thla liam ta khan J-Hope chuan Green Umbrella Children’s Foundation ah 84,000 USD a lo pe tawh bawk a ni.