Mizo Elite News hi ṭha i tihzawng a nih chuan min lo Follow dawn nia

BTS in mel lung pawimawh tak an phun, an fans te tan thu thar lawmawm an nei

South Korea Boyband, BTS te chuan April 12 khan mel lung pawimawh tak an phun a, an music video hit tak “Dynamite” music video chuan YouTube ah tluklehdingawn 1 entu a nei tling.

Korean Group zingah BTS hian History an siam nghal a, 1 Billion thlirtu nei rang thei ber dinhmun an luah lum nghal. An video dang pahnih ‘DNA’ leh ‘Boy With Luv’ ft. Halsey te pawh in tluklehdingawn thlirtu an lo nei tawh bawk.

“Dynamite” music video hi August 21, 2020 khan release a ni a, darkar 24 chhung ringawt in 101.1 million entu an nei thei. Nikhat chhunga viewers ngah ber an lo hauh hial. Rimawi lama chawimawina sang leh zaithiam dang te pawn dawn an chak thin Grammy Award ah nomination an hmuh phah hial reng.

“Dynamite” in vawi tluklehdingawn entu a neih lai hian fans te lawmna ti belhchhah turin chanchin thar dang an la nei tel cheu a, BTS hian April 17 hian virtual event, ‘Bang Bang’ Con chu YouTube channel ‘BANGTANTV.’ kaltlangin an nei dawn tih an puang, he virtual event neih tur ah hian an fans army te pawh an phur nasa tawh hle.