Mizo Elite News hi ṭha i tihzawng a nih chuan min lo Follow dawn nia

BTS Fans ten India ram tan Covid tuar tanpuina turin darkar 24 chhung lekah pawisa an hmuchhuak hnem

Milar ngaisangtu fans kan tih mai te hian an Idol te hi an ngaisang satliah ngawr ngawr lo a, fans an nihna ang a an inpumkhat leh zualna turin activities hrang hrang huaihawt in thil tangkai tak tak an ti ho thin.

South Korean boy band BTS fans te chuan India ram in nasa mangkheng a Coronavirus second wave a hmachhawn leh mek ah tanpuina turin pawisa an khawn a, rinphak bakin Donation ah hian sum a lut tha.

He fundraiser hi “Covid Relief India by BTS Army” tiin an buatsaih a,Indian crowdfunding site Milaap ah te tarchhuah a ni. Darkar 24 chhung lekin £20,000 vel lai hmu in India pawisa in RS. 21,92,714 a ni hem mai.

“India ram chu Covid na tak maiin tun ah a tuam leh mek a,second wave hi a hma mi ai in a let in a na zawk” tiin hmatawng tu health worker leh front line worker ten harsatna lian tak an tawk a theih dan kawng a tanpui a ngaih tak zet thu an auchhuahpui a ni. BTS fans Army te hian heng an pawisa hmuh zawng zawng te hi a thlawn in oxygen cylinder supply, medical supplies delivery, community kitchen initiatives & ration kits ah hman tur a pek a ni dawn tih an puang.

Tun hi BTS fans ten Donation an khawn vawikhatna mai a ni tawh lo a,2020 a Assam in tuilian an tawrh tum pawh khan BTS Helps India kaltlangin £5,000 aia tam mah sum an lo thehchhuak.