Mizo Elite News hi ṭha i tihzawng a nih chuan min lo Follow dawn nia

BTS Butter Concept Photo Ah V Leh Shah Rukh Khan Te Khaikhin An Hlawh

K-pop band BTS ten Butter concept pictures chu third version an tichhuak a, Concept picture ringawt pawh in Internet ah thlipui a tleh tir hum hum a ni ber mai. Hetah hian BTS member te hian car washing skills an rawn tilang a ni.

Concept thlalak zinga mi a bikin V (Kim Taehyung) thlalak chuan India rama an fans Army te ngaihven a hlawh zual hle a, a chhan pawh concept shoot a a in pose dan chuan Bollywood actor Shah Rukh Khan’s signature open arms pose a hriatchhuah tir vang a ni.

Thlalak ah hian V hian T-shirt var leh blue denims te a inbelchhuak a, a kut phar chhuak in leh lam ah hose a keng bawk a, India rama an fans te chuan an sawi zui leh chul phah ta a ni.

Twitter ah fans tam tak ten Shah Rukh Khan leh V thlalak chu dah tlangin trend a hlawh cher cher hle. Mi pakhat chuan “SRK in pose dan chiah chiah. Pasal a neih thuai che ka duh khawngaihin” tiin a tarlang a, “Taehyung hi ka SRK a ni” tih ten an post chuai chuai bawk.

BTS hla hit thar ber dinhmun la luah lum mek “Butter” hian Billboard Hot 100 chart ah a zawn in chawlhkar 5 chhung zet No.1 nihna a hauh tawh. Chart History ah an hla zinga hla daih rei ber pawl 2 na a nia,July 9 hian CD “Butter” release leh dawn in single thar pawh a tel ngei beisei a ni.