Mizo Elite News hi ṭha i tihzawng a nih chuan min lo Follow dawn nia

Brooklyn Beckham leh Nicola Peltz te inkar pawh a nghet chho zel e

An nu leh pa te atang rengin milar an ni tawh sa nghal hrim hrim a, Media ten an chanchin an ngaihven viau zel pawh hi a awm lo hran lo. Talent em em neilo mahse Star Kids an ni tlat.

David Beckham leh Victoria Beckham te fa upa ber Brooklyn Beckham (kum 22) leh a nupui hual Nicola Peltz (kum 26) te inkar hmangaihna pawh a parvul chhoh vanglai a thleng mek.

Thawhlehni zan khan Los Angeles ah romantic date night neiin kut inkai riai chunga an inzui hmuh an ni a, a pa atang chhun tur a nei tha bawk a Brooklyn pawh hmeichhia han Care dan vel pawh a zei khawp mai.

An chhuak hmuh tur zen zen a awm lo nen Paparazzi te pawn an hna an thawk tha leh hle a, The Nice Guy Italian restaurant atang an rawn chhuak lam chu an Car chuanna thleng rak khawp in an lo zui leh dawr dawr.

Brooklyn hian Nicola hi a nun thlak danglam sak a, mi tha zawk a chhuah tu tia sawiin atan a hmeichhe tha a nih thu leh khawvel a mipa vannei ber a nih thu in a lo fak nasa. Brooklyn nen an inzui atang Nicola hi Beckham chhungkaw kiang ah hun a hmang hmuh fo a ni a, a pasal tur nu leh pa leh a nau te nen pawh an in pawh tawh viau nghe nghe.

Inhualna an neih hnu ah chhungte lam ve ve pawh an inrem tawh. Innei thuai tura ruahmanna kalpui a nih laiin hripui leng Covid19 vangin an la puitlin thei lo. Tarlan dan in Brooklyn nu Victoria Beckham hian a mo tur Nicola hi a mo kawr design ngei kut an insuih ni hian hak tir a tum a ni.