David leh Victoria Beckham te fapa upa ber Brooklyn Beckham (kum 22) leh a nupui ni mai tur nupui hual Nicola Peltz (kum 26) te pawh in chanchinbu kawm an rawn mawi ta.
Brooklyn leh Nicola Peltz te hian VOGUE Germany April issue tan shooting an nei a, hmuh pawh an nuam khawp mai. Hei hi Brooklyn nu Victoria Beckham Spring Summer 2021 Collection pual in a ni.
Thlalak ah hian Brooklyn hian kawr ha lovin, a kut leh lamah a nupui hual Nicola Peltz dul a zut sak a, lehlam in Camera a chelh thung. Peltz in crop top var ha in a abs langsar ang reng takin a tilang a ni.
Tun ah rih chuan an pahnih hian an nghet dun hle a, an inneih thuai pawh a rinawm. Beckham chhungkua te pawh in Peltz hi an monu atan an iai lo viau a, an chhungkaw hun hmanna ah a telpui ve deuh ziah bawk.
Tunhnai khan Brooklyn leh Peltz te hian Tattoo in ang an chhut dun tir a, a hnung lamah Peltz in Brooklyn a hmangaih zia lantir nan a hming a chhukai a ni. Peltz hi chhungkaw hausa tak atanga chawrchhuak ve tho a ni a, Brooklyn lah a nu leh pa atang rengin milar sa a ni der tawh.