Mizo Elite News hi ṭha i tihzawng a nih chuan min lo Follow dawn nia

Britney Spears tan zalenna kawl a eng ta

Kum 13 chhung zet a pa thuhnuai ah a in leh lo leh a rosum mai piah lam ah a ma mimal nun chena khuahkhirh sak a nih hnu in Pop Princess, Britney Spears chuan zalenna kawl eng a hmu ve thei ta.

Britney Spears hian a zalenna tur hian hun rei tak atang khan a lo bei tawh a, amah tan tu ten Free Britney Movement chu ngawrh taka kalpui in Britney in a nun pangngai a neih let leh theih ngei an phut.

Nilaini khan Britney leh a pa Jamie Spears te hian Conservatorship chungchang ah hian hearing an nei leh a, hetah hian Britney chu hneh tu zawk a ni. Los Angeles judge chuan Britney pa Jamie Spears chu a fanu a khuahkhirhna atanga chawlhtir in a ban.

Los Angeles Superior Court Judge Brenda Penny chuan Britney leh a attorney ten Jamie Spears lakah conservator a nihna atang paihthlak tura petition an file hi a pawmpui. Court thu tlukna avang hian Britney Spears ngei pawh a hlim hle a, Court pawn lamah amah tantu te hlim thawm a that hle thu sawiin, Britney in kum tam tak hnua zalenna a hmu ve thei tur chu an lawm tak zet a ni.

Jamie Spears hian kum 2008 atang daih tawh in a fanu rosum leh in leh lo hi a lo thuhnuai tawh. Kum hei leh chen a liam tawh hnu ah pawh Britney hnen ah engmah pek let a nih tak loh vang in fans ten an rawn tlangau pui a, Britney hian huaisen takin a dikna chanvo hmu let tur hian a beilet.

November thla ah Hearing hi neih leh tur a ni ang a, hetah hian Court thu tlukna tluantling puangin Britney Conservatorship chungchang hi a hmawrbawkna neih a ni ang.