Mizo Elite News hi ṭha i tihzawng a nih chuan min lo Follow dawn nia

Britney Spears leh Sam Asghari te inneihna ah sawm loh a tel tum Britney pasal hlui man ani

Zaithiam Britney Spears chu a kawppui Sam Asghari nen Los Angeles, California ah Ningani zan khan an innei a, sawm bik tlem te hma ah damchhunga nupa ni turin thu an thlung tih hriat ani.

Inneihna hi Britney chenna Thousand Oaks (mansion) hnung lam ah an hmang a, he hun ah hian Britney tan a mi pawimawh tak tak TV personality Paris Hilton, singer Madonna, Drew Barrymore leh Donatella Versace te chuan an telpui bawk.

Report atanga a landan in inneihna ah hian Britney Spears attorney, former federal prosecutor Mathew Rosengart pawh a tel a. Mahse a nu leh pa Jamie Spears leh Lynne Spears te, a unaunu Jamie Lynn Spears bakah Britney fapa te pahnih Sean Preston leh Jayden James te erawh an tel ve lo thung.

Media thenkhat ten an tarlan ah inneih ah hian thil danglam tak mai a thleng a, Britney pasal hlui Jason Alexander chu inneihna ah hian sawm loh in a kal tih hriat a ni.

Celebrity news site TMZ ten thu an dawn danin Jason Alexander hi inneihna ah hian event security ten lo dangin an in chaibuai fe a, Jason hian Britney chu a nupui hmasa ber a ni tih te sawiin sawmna a dawn thu pawh a hrilh. Police te thil thlenna hmun a koh an nih hnu ah Jason Alexander hi man a ni tih hriat ani a, Britney legal team te chuan a chungah action na tak la turin an ti bawk.

Alexander leh Britney Spears te hi 2004 liam ta ah an innei zuai hman a, Britney pasal hmasa ber a ni nghe nghe. Nupa an nih chhung erawh a reilo hle. An inneih atang a darkar 55 hnu ah thenna biahthu an inhlan leh ta ani.