Mizo Elite News hi ṭha i tihzawng a nih chuan min lo Follow dawn nia

Britney Spears Laka Inkhuahkhirhna Dan Zam Chungchangah Britney Unaunu In Thi Tura Vauna A Dawn Thu A Sawi

Pop Princess Britney Spear laka inkhuahkhirhna Conservatorship kalpui mek a nih ah Britney chi leh kuang te chuan vauna an dawng a, Britney unaunu Jamie Lynn Spears chuan vauna rapthlak tak a dawng tih a sawichhuak.

Jamie Lynn Spears hian a Instagram Stories kaltlangin a unaunu leh a pa te conservatorship battle chungchang ah fans atang thi tura vauna a dawng tih a rawn puang a, midang te ngaihdan chu a zahsak a mahse thi tura vauna, amah leh a fate an thawn chu tawp hram turin a ngen.

Britney Spears hi kum 2008 atang a lakah inkhuahkhirhna dan zam a ni a, kum 13 hnu ah pawh he dan hi la hman chhunzawm zel a ni. Britney hian a buaina lak a ta zalen tur hian a theihtawp in a bei mek a, kar kalta mai pawh khan Los Angeles court ah virtual in a inlan a, a chunga thil thleng te puanchhuahna a nei.

A unaunu Jamie Lynn Spears hi Britney chungchang a tawngkam a neilo lutuk leh ngawih a chuh tlat chu fans te an ngaih a tha lo a, a pa in Britney rosum $60million a thunun na ah hian hlawkna lo tel ve tu ah puh a nih phah hial. Hei vang hian vauna hi a dawng ta a ni.

Mahse Jamie Lynn Spears chuan fans te puhna ah hian a pha nasa hle a, amah Britney ngeiin a support zia a in hria tih a sawi. Hashtag siam a nih tan hma daih atang tawh a unaunu tan hian a din tlat thu a tarlang a. Britney tan hian hlimna a duh pui thu leh a thlawp tlat thu emotional video message in a dahchhuak bawk.