Mizo Elite News hi ṭha i tihzawng a nih chuan min lo Follow dawn nia

Britney Spears In Zalenna A Hmuh Hma Chu Perform A Tum Tawh Lo

Pop Star, Britney Spears chuan a chunga inkhuahkhirhna dan zam tlat a ni chu a pawm thei tawh bik lo va, kum kha leh chen hrehawm taka thunun a nihna atang chhuah zalen ve tawh tumin theihtawp in a bei a ni.

Instagram kaltlanga thuchhuah a siam ah chuan Britney hian zalenna tluantling a neih hma chuan Live Concert neih a Perform a tum tawh lo tih a puang a, a pa thuhnuaia silh leh fen inbel tur bak leh a duh ang a piang a in rahbeh tir a tum tawh lo.

Britney leh a hringtupa te inkar buaina chungchang case hi khawvel pum in an ngaihven a nia, Britney chhuah zalen duh tu tam tak an awm laiin atana a that rih zawk nana Conservatorship hman chhunzawm zel tha la tihsak pawl an awm a ni.

Britney in a chunga he inkhuahkhirhna dan hian a suangtuahna leh beiseina neih ve zawng zawng te chu a tih chhiatsak vek tih a sawi a, a pa Jamie leh a unaunu chu Social Media kaltlangin a rawn chhuahchhal riap riap mai.

A lar vanglai tak 2007 khan Britney nun chu a hnungtawlh zawng in a kal tlat a, vantlang hmuh ah mental breakdown neiin Media te mit hmuh ah a chet dan mawilo tak tak hailan in a awm. A lu a nawrkawlh tir hnu ah nihliap hmangin gas station ah paparazzo car a bei lai thlalak a darhchhuak.

Britney khawsak dan avang hian a chhungte ngeiin a fate enkawl turin an ringtawk lo a, a fapa te pahnih enkawl theilo a siam a ni. 2018 ah Britney chungah hian he dan Conservatorship hmang tur hian California court in thu a ti tlu a, Britney rosum leh a in leh lo te chu a pa Jamie kutah dah a ni.

Mahsela hemi hnu lawk kum ah pawh Britney hian reh zai a la rel mai lo. Album hlawhtling tak tak pathum a tichhuah bakah television shows ah te a la inlan a. January 2019 khan thu leh awm hma chu performances thei lo in suspend sak a ni ta a ni.