Mizo Elite News hi ṭha i tihzawng a nih chuan min lo Follow dawn nia

Britney Spears In Tleirawl A Nih Laia A Zai Lai Clip A Phochhuak A Fans Tam Takin A Chunga Inkhuahkhirhna Dan Siam Chu Hlip Turin An Phut

Pop Princess tia hriat lar Britney Spears chuan a nu in tleirawl tirte a la nih laia Singapore a The Jets ah “You Got It All” hla a sak lai Video a thawn chu a rawn phochhuak tha leh.

He a zai lai Video Clip hi 1998 daih a mi tawh kha a ni nghe nghe. Britney hi hetih lai hian kum 17 mi chauh a ni a debut album ala neih tak tak hma a ni.

Caption ah hian Video chu a nu in a thawn thu leh zai thei turin theihna a nei tih a hriatnawn tir a ti. Trip neia mahni a a chhuahna hmasa ber a ni a, a theihnghilh lo. Mahsela Britney hian he Clip hi thlir reng har a ti.

Instagram a Post a siam ah hian Fans te chuan Britney chunga thleng chu an lo hmuh hmaih lo nasa a, a laka inkhuahkhirhna dan an zam tlat vangin Jail tang ang mai hian Britney hringnun hi tih hrehawm in a awm mek tiin an tlangau pui leh.

Hun eng emaw chen Britney hi mipui hma ah a Perform tawh lo. A chhan chu lawyer in Perform a phal lo tih nikum khan a ri tawh a. A pa hian a rosum leh a Music Career bakah a mimal nun thlengin engkim deuh thaw a fanu Britney chungah hian thuneihna pumhlum pek a ni.

A pa in a nun zawng zawng a thu a nei hi a fans te chuan duh lovin dodalna an lan tir a, FreeBritneyMovement an kalpui phah reng a ni. Britney hringnun chungchang tarlanna tur New York Times documentary pawh buatsaih a ni. Fans te chuan Britney hi an kawngaih hle a, Social Media Post a siam a piangin a that leh that loh chungchang zawhna a dawng hnem thin hle.