Mizo Elite News hi ṭha i tihzawng a nih chuan min lo Follow dawn nia

Britney Spears In A Nu Chu A Nun Tihchhiatsak Tu Tiin A Hau Hrep

Pop Princess, Britney Spears chu kum 13 chhung zet a nun khuahkhirh a nih hnu ah zalenna kawl eng a hmu ve tawh dawn a, a chunga Conservatorship dan lek kawh a nih chungchang ah erawh Britney hi ala lungawi famkim lo.

A mimal nun bakah a in leh lo thlenga enkawl sak tu chu a pa Jamie Spears a ni. Mahse Britney Spears hian a chunga heng thil zawng zawng thlen tir tu ah hian a nu Lynne Spears chu a mawhphurtu ah puh thung in alo hrawk hrep.

Nov. 2 khan Britney Spears hian a nu demna chu Social Media ah a tarlang a, mahse Post a siam hi a hnu ah delete leh a ni. Britney chuan a nu Lynne chu “ka pa in kum 13 kal ta atang he conservatorship hi a lek kawh a, mahse a phena he ngaihdan pe tu hi ka nu a ni tih tumah in an hrelo. Ka pa kha Conservatorship dan chelek turin a fing tawk lo hrim hrim. A ruk in ka nun min tihchhiat sak char char zawk a ni” tiin Britney hian thinlung kehsawm chungin a puang.

Britney nu leh pa te hi 2002 khan an inthen tawh. A fanu in a nun tihchhiat sak anga a puh ah Lynne Spears hian engmah ala sawi ve lo. Mahse Thawhtanni khan Lynne hian Court ah petition a file a, legal fees atan USD 650,000 vel bawr pe turin a ti.

September thla khan Judge chuan Jamie Spears hi Britney co-conservator atang in a paihthla a, Britney hian Court hearing an neih ah mittui tla zawih zawih in a nun chu hremhmun ang mai a nih thu a sawi.