Mizo Elite News hi ṭha i tihzawng a nih chuan min lo Follow dawn nia

Britney Spears Chuan A Pa In Pasal Nei Lo Tur Leh Fa Nei Theilo A Siamin Saltang Ang Mai A Nih Thu A Sawichhuak

Britney Spears chu kum 2008 atang a a chunga inkhuahkhirhna siam tawh Conservatorship chungchang kal zel ah an la buaichho hle. Britney in he inkhuahkhirhna lak a ta hi zalen duhin hlih a nih theih nan nasa tak in a bei a, tun thleng in hlawhtlin tak tak erawh a la awm lo.

Kum 13 liam tawh hnu ah Britney hian a chunga thil thleng te sawichhuah na hun a nei thei ta a, Nilaini khan Los Angeles ah hearing hi an nei. “He conservatorship hi tih tawp ni turin ka duh a ni. He inkhuahkhirhna hi beihna rapthlak ber a ni” tiin Britney hian Judge Brenda Penny a hrilh.

Pop Princess hian sawichhunzawm zel in a bialpa nen inneih a fa neih dun te pawh a chak a, mahse a chunga inkhuahkhirhna awm chuan a tih tir thei si lo a ni ti. Tin, amah ah IUD (intrauterine device) dah a nih tlat avangin naute pawh a pai thei lo a, a nun chu bawm chhunga khunga saltang ang mai nen intehkhin in innghaisakna a nih thu a sawi.

2008 atang in a thawhchhuah ngei a sum leh pai te, medical care, a in leh lo bakah a mimal duhthlanna chenin Jamie, 68 kut ah dah vek a ni a,a enkawlna man ah thla bi in $16,000 lai a la ei sak ve leh cheu bawk.

Britney chuan a ro sum $60 million leh a nun chu a thuhnuai ah a awm a hun tawh tiin, a fans te ngei pawn Britney hi an thlawp in Free Britney Movement chu ngawrh takin an kalpui. Hearing hi la neih leh tur a ni.