Mizo Elite News hi ṭha i tihzawng a nih chuan min lo Follow dawn nia

Britney Spears Chu Khuahkhirh A Nihna Atang A Zalen Tak Tak Ta

Pop Princess, Britney Spears chu kum 14 dawn zet Conservatorship hnuaia khuahkhirh a nih hnu ah chhuah zalen a nih thu puan a ni ta.

Nimin Zirtawpni khan Britney chungchang ah hian Los Angeles judge Brenda Penny chuan thutlukna a siam a, tun atang chuan Britney hian a rosum bakah a in leh lo chen in thu a nei tawh ang a, mi pangngai angin nun a hmang ve thei tawh ang.

Kum 39 a upa Britney Spears hi he Conservatorship chungchang ah hian a buai rei tawh hle. 2008 atang in inkhuahkhirhna hi a lakah lek kawh a ni a, rilru lam ah damlohna leh harsatna tawk ang ah puh a ni.

He dan hnuaiah hian Britney hian pasal a neih pawh phalsak a nilo a, a sum leh pai bakah a in leh lo thleng in thuneihna a nei lo. A mimal zalenna thleng in Conservatorship hian a phuar bet tlat a ni. Hei hi a Fans te chuan duh lovin Free Britney Movement an kalpui a, zalenna kawl eng a hmuh ngei theih nan an beihpui.

September thla khan Britney pa Jamie Spears chu a Conservator atang chawlh tir alo ni tawh a. Zirtawpni a Judge in thutlukna a siam khan LA court pawn ah Britney tan tu fans pungkhawm te chu lawm in an au rual a, Britney pawh in a fans te chungah lawmthu hrilh in ‘ni tha ber chu hei hi a ni’ tiin a sawi ve hial a ni.