Mizo Elite News hi ṭha i tihzawng a nih chuan min lo Follow dawn nia

Britney In A Chunga Thil Thleng Te A Puan Hnuah A Bialpa Hlui Justin Timberlake Hnen Atang Thlawpna A Dawng

Zaithiam Britney Spears chuan a chunga inkhuahkhirhna Conservatorship dan lek kawh ah zalen tum in a bei mek a, June 23 khan Court ah a chunga thil thleng te sawi theihna turin hun pek a ni.

Hetah hian Britney chuan a chunga thil thleng zawng zawng puang in, a fans te leh amah tan tlat tu te mittui luanchhuah tir theih hial khawp testimony a nei.

He dan hnuai ah hian pasal fanau neih duh mahse nei thei a nih loh thu leh nau pai thei lova siam a nih thleng in a sawi a, a nun chu Jail tang ang mai nen intehkhin in hlim hmel tak anga a lo inlan thin te chu a der mai a ni a ti.

Thusawina a neih hnu hian Britney hian a milar pui te atang khawngaih a thlawpna tam tak a dawng. FreeBritneyMovement support tu zingah hian a bialpa hlui Justin Timberlake ngei pawh ngawi mai mai thei lovin a bialnu hlui tan hian a tawngchhuak ta hial.

“Vawiin a thil thleng zawng zawng kan hmuh leh hriat hnu ah tun hun ah hian Britney lam kan tang tlat a ni” tiin Justin Timberlake hian a sawi a, an hun kal tawha thil thleng tha leh thalo chu hun in a herliam pui tawh a, mahse tuna Britney chunga thil thleng hi thil dik a ni lo a ti.

Justin hian sawizawm zelin Britney chunga heti taka khuahkhirhna kalpui a nih chu a sawisel a, tu hmeichhia mah a ma taksa a thuneihna hrekbeh sak hi thil dik lo a ni tiin a nupui Jess nen atan an din tlat thu leh zalenna tluan tling a hmuh ngei a beisei thu a tarlang bawk.

Justin leh Britney te hi an lar chhoh vanglai 1998 khan in date in 2002 khan an inthen fel a, an inthen atang an inkar chungchang hi an sawi ngai meuh lo. Justin phei hi chuan tun hi Britney chungchang a sawi vawihnihna a nia, February thla khan New York Times documentary, Framing Britney Spears ah Britney lakah hian ngaihdam dilna tawngkam alo chhakchhuak.