Mizo Elite News hi ṭha i tihzawng a nih chuan min lo Follow dawn nia

Britney Chungchang Zawhna A Dawn A Chhan That Duh Loh Vangin Christina Aguilera Lakah Britney Spears A Lawm Lo

Kum 13 chhung a mimal nun leh a sum leh pai thleng a khuahkhirh a tawh hnu ah Britney Spears chu a zalen ve thei ta chauh a, kum tam tam hnua a zalen leh thei chu Britney pawh a nun a hlimin a dinhmun chhiat lai ber pawh a atan a beitu fans te chungah a lawmzia a tarlang bawk.

Britney khuahkhirh a nih chungchang ah a milar pui tam tak an tawngchhuak tawh a. An zingah hian Britney lar pui leh thian ni thin bawk 90s pop star huang zinga mi Christina Aguilera in Award Show a Britney chungchang zawhna alo dawnsawn dan ah fans te chauh nilo amah Britney thlengin an lungawi lem lo.

Latin Grammy Awards sem zawh takah khan Christina Aguilera hian Red Carpet a Interview a neih tumin Reporter in Britney chunga inkhuahkhirhna te a tawp tak a chin ah Britney nen inbia in an communication a tha em tih zawhna a zawt a, hetah hian Christina Aguilera publicist chu tlazep thuaiin Reporter lak atang Aguilera hi a pawt sawn a, zanin ah chuan heng thil hi kan thei lo a ti. Aguilera hi kalsawn pahin “But I’m happy for her.” tiin Britney chungchang hi a sawi chhumbung hmawk.

Christina Aguilera in a chungchang zawhna a dawnsawn na hi Britney in a rawn sawi nghal. Min thlawp a min hmangaihtu te hnen ah lawmthu ka sawi. Mahse thu dik hre reng chunga tawng duh lo chu dawt nen thuhmun ati. Kum 13 chhung kha hun hrehawm tak a ni a, sawi harsa zawk a ni. Chung zingah chuan amah ngei chu heng te hi paltlang tu a nih thu a sawi bawk.

Spears leh Aguilera te hi Disney’s “The Mickey Mouse Club,” atanga in hre chho tawh an ni a, Mandy Moore leh Jessica Simpson te nen pawh thian tha tak an ni. 2003 a MTV VMA semna ah Madonna te nen Stage khatah an lo Perform ho tawh nghe nghe.