Mizo Elite News hi ṭha i tihzawng a nih chuan min lo Follow dawn nia

British Pa Chu Ni 3 Chhung Thailand Ramngaw Ah A Bo

British pensioner pakhat kum 72 a upa tawh Leonard Barry Weller chu Thailand ramngaw ah bo in, ni 3 chhung zet chu ramngaw ah hian a lo khawsa a ni.

Leonard Barry Weller hian Khon Kaen province, north east of the country ah a thian pakhat hmu turin a kal a, khua a mawilo bawk nen a panna tur lam kawng hre lovin ramhnuai ah hian a bo ta ringawt.

Motorbike hmangin a tlanchhuak a, kawng a bo hnu hian ei tur pawh neilovin riltam takin a awm a. Ruahtui ringin ni 3 chhung chu a lo damkhawchhuak a ni.

A nupui Tawee Leonard, 49 chuan a pasal chanchin a hriat zui tak miah loh vangin a mangang ru hle. A bo tuk ah pawh alo la haw mai lo chu midang a pun ta tawp a, a bo atang ni 3 ah local hunter te chuan an zawng hmu.

Hmuh a nih hian a ke ah hliam neiin a pheikhawk te pawh alo tibo vek tawh. A nupui Tawee chuan a pasal nen dam taka an inhmu leh chu a kuah vawng vawng. A sawidan in a pasal hi mahni a zin khawthawng nuam ti tak a ni a, a zin pawh in a lo haw hun tur angah chuan a haw ve leh thuai mai zel thin a ti.

Leonard hi Thailand ah hian kum 15 vel a khawsa tawh. Chhanchhuah a nih hnu hian damdawiin ah check up turin an hruai nghal a ni.