Mizo Elite News hi ṭha i tihzawng a nih chuan min lo Follow dawn nia

Britain Rama Naute Nei Hmeichhia Naupang Ber Chu Kum 11 A Upa A Ni

Britain rama nau nei naupang ber nia hriat chu hmeichhe naupang kum 11 a upa a ni a, May thla khan naute neiin hriat theih chin ah he hmeichhia hi Britain ram chhunga fa nei naupang ber ti a chhinchhiah a ni.

Chawlhkar 30 a upa a nau a pai hnu hian tluang takin fa hi a hring a, naute leh a nu hi an dinhmun a that thu an sawi bawk, naute nu hming leh a nihna chiang tak hi tarlan a nilo thung.

A chhung leh khat hnai te chuan The Sun chanchinbu an hrilh ah chuan an fanu hian nau a pai ang tih hi suangtuahna ram ah tak ngial pawh an ngaihtuah thleng pha lo hrim hrim tih an hrilh a, an hriat tirh phei chuan a thawng viau hlawm a ni awm e. Chanchinbu te hian social services leh council chiefs ten he thil thleng hi chhuizui hna an thawk nghal a ni tih an sawi.

Doctor, Carol Cooper chuan he hmeichhia hi a hriat theih chin ah naute hring thei nu naupang ber a ni tih The Sun a hrilh. Cooper chuan hmeichhe thanthi neih hun hi a tlangpuiin kum 11 atang a ni a, chutih laiin kum 8 atang 14 inkar pawh a ni thei tih a sawi. Mahse tuna Britain hmeichhia hi chuan kum 10 a nih ah nau hi a pai thung.

A hmain Tressa Middleton chuan 2006 khan naute a nei tawh a, fa a hrin hian kum 12 chauh a ni. A raina chhan chhuichian a nih chuan a unaupa in a lo pawngsual. Naute enkawl tur hian a la naupan em vangin a fa hi social care ah an dah a, a unaupa hi jail ah an khung thung.

Tin, kum 2014 ah hmeichhia kum 12 leh mipa kum 13 ten fa an nei. An ni erawh Britain a nu leh pa naupang ber ah hriat an nia, 2017 a kum 11 a upa nau nei erawh kha chu a chanchin kimchang hriat zui tur a awm lo a ni.