Mizo Elite News hi ṭha i tihzawng a nih chuan min lo Follow dawn nia

Brazil President In Covid19 A Zuam Sual

Khawvel ram hrang hrangin an buaipui luih luih a ni a Brazil President, President Jair Bolsonaro lah chuan Covid19 ai mahin Economy lamah hlauhthawnna a nei lian zawk. Coronavirus chu flu chhete ringawt tia alo sawi chu a zuam sual chho a va ang ta em.

Hri vei thar langsar zingah Brazil President, Jair Bolsonaro chu a hming a chuang ta nalh a, flu tia a lo sawi ṭhin Covid19 chuan a luh khung ve ta.

President Jair Bolsonaro chuan Coronavirus a Positive thu hi television interview ah amah ngeiin a sawichhuak a, mahsela vanneihthlak takin hri vang hian a hriselna dinhmun ngaihtuahawm a nihloh thu a sawi.

Bolsonaro hi Pathianni aṭang khan a nuamsam lo ṭan a,hydroxychloroquine leh anti-malarial drug te chu in enkawlna atan a hmang ve bawk.

Bolsonaro hi Positive tih puan hma in event ṭhenkhat ah a tel hman a, U.S. Ambassador Todd Chapman nen pawh an inhnimhnai hle a. July 4 khan chhun chaw te pawh an lo kil ho a ni awm e. An thlalak ah phei chuan Mask an vuah lo leh nghal bawk.

Brazil ah hian Covid19 vei 1.6 Million chuang an awm tawh a,65,000 in an thih pui tawh. Brazil hi khawvel puma hrikai leh thi tam lamah pahnihna ah a awm mek.

TOI