Mizo Elite News hi ṭha i tihzawng a nih chuan min lo Follow dawn nia

Bradley Cooper leh Irina Shayk te thla 7 hnuah inkuah in hmuh dun an ni leh ta

Hmangaihna dai tawh chu chhem alh an tum thar leh nge ni a, in hmangaih reng chungin ṭhenna biahthu an lo inhlan reng zawk ni dawn.

Actor, Bradley Cooper leh a ex-partner, Irina Shayk te chu thla 7 lai mai hmuh dun an nih tawh loh hnu ah a vawikhat nan Public ah an inkuah lai hmuh dun an ni.

Thawhlehni ah “A Star Is Born” changtu pa Bradley hi a kawppui hlui ni ta supermodel, Shayk nen Tribeca neighborhood of New York City ah an fanu Lea De Seine (3) te nen an chhuak chu Paparazzi lam ten an lo hmu fuh.

An pahnih hian an thawm a dai rei tawh laiin hmuh dun an ni leh thut si a, hriatthiam a har ta viau. Thlalak aṭanga hmuh theih chin ah pawh an inkar inhmuhthiam lohna thleng ang pawh in an lang lo. Nupa ang maiin duh leh inngai takin an inkuah vawng vawng.

Bradley leh Shayk te hi April 2015 aṭanga inzui ṭan an ni a,White House Correspondents’ Dinner a an tel dun aṭang in a ni. Mahsela March 2016 a Paris Fashion Week party aṭang khan in Official takin an awm.

Duh taka an inkawp chhoh zel hnu ah March 2017 khan fanu duhawm tak Lea hi an nei. Vanduaithlak takin June 2019 khan inṭhen zai an rel.

Hmuhdun an nihna hnuhnung ber chu February a British Vogue and Tiffany & Co. celebrate Fashion and Film Party at Annabel’s ah a ni. An inkarah fanu a lo awm tawh bawk nen inṭhen hlen lo in chhungkaw hlim tak din zawk se tih an duhsakpuiawm khawp mai.

DM