Mizo Elite News hi ṭha i tihzawng a nih chuan min lo Follow dawn nia

Brad Pitt nen in ang viau mahse hmeichhia ten an ngaihzawn duh loh thu a sawi

Milar hmel ang tak tak hi khawvel hmun hrang hrang ah hian an awm ve nual a, tam tak chuan an larpui phah in hlawkna tel phah fe pawh an awm thin. Hepa erawh hi chuan milar hmel a an chu hmangaih zawn kawng ah a chhawr tangkai lem loh thu a sawi.

Oxford, UK a cheng groundworker, Nathan Meads (kum 35) hi Hollywood actor Brad Pitt nen an hmel landan a in an lutuk vangin nikum khan headline a rawn siam a, mahsela Brad Pitt nen in ang hle mahse kawppui tur zawn kawngah a tanpui loh thu a sawichhuak.

Hmeichhe tam takin an bawr thin a, thenkhat ten fake ang ah te an chhuah bawk. Nathan chuan a dating apps hial a delete a ngaih phah. Fanu pahnih a nei a, a fanu te chu an thik kual thin vangin ngaihzawng pawh a hmu zo lo niin a sawi ani.

Dating app te a paih hnu ah hmeichhe tam tak te chuan Social Media ah an zim huai huai a, mahse a fanu te bula hun a hmang thin chu an thik thin a ti. A milpui tak leh a fate hmangaih pui thei tur ang mi zawnhmuh chu a harsa a ti hle ani.

A fate hrinsak tu nen hian kum 3 liam tawh ah khan an inthen a, thil dang zawng aiin a fanu te chu a nunah a dah pawimawh hmasak ber thu a sawi. Pa dinhmun leh chanvo diktak chu a fate lakah hian hlenchhuah a tum ani.

“Ka Angelina tur ka zawng buai lo va, ka fanu te hi ka khawvel an ni a,a hmasa ber ah ka dah a ni” tiin a sawi a, a fate nena an inzawmna hriatthiam pui thei tu tur tan chauh a inhawng ani.