Mizo Elite News hi ṭha i tihzawng a nih chuan min lo Follow dawn nia

Brad Pitt Leh Jennifer Aniston Ten Chanchin Lawmawm Nei Dawn

Brad Pitt leh Jennifer Aniston te hian tunhma a an inkara boruak an neih dan chu kan hre ṭheuh hlawm tawh ang a kum eng emaw chen chu inkawl in nupa an lo ni ve hman a ni.

Mahsela an inkar fuh vak loh vangin nupa an nihna chu ṭhiah in a awm a, Brad Pitt hian Aniston a ṭhen hnu hian Angelina Jolie ṭang a belhsan. Aniston nena an inṭhen bul ber ah pawh Jolie hi puh a ni a, an inneih lai reng khan Jolie lakah hian affairs nei angin sawi a awm.

Angelina Jolie nen an inneih hnu hian Brad Pitt te nupa hi Hollywood nupa duhawm tak an ni chho a. Amaherawh chu Jolie nena an nupa inkar pawh hi a fuh reng thei bik lo. Sawi neuh neuh a awm hnu ah 2016 khan an inṭhenfel thu an puang a ni.

Angelina Jolie nen an inṭhen hnu ah Brad Pitt hi a han pathlawi lawp lawp a. Golden Globes sem a nih chuan a nupui hlui Jennifer Aniston nen in haw lo leh inngeih taka an awmdun vangin dem an kai chho leh.

Report in a tarlan dan chuan Brad Pitt leh Aniston te hian hmanna an nupa nihna kha chhemalh ṭhat leh tumin an innei leh dawn thu sawi a awm. Life & Style tarlan dan in Pitt leh Aniston te hian Beach Wedding buatsaih an tum a, inneihna hi a ruk thei ang bera hman a nih dawn bawk thu a sawi.

Pitt hi a nupui hlui Jen hian a thinlung a luah sak leh tlat tawh a, a kiangah hian a hlim hle an ti bawk. Amah bak ah a chhungte thleng pawhin an lawm hle a, Jen nena an inkawp dun leh hi an ṭawngtai chhanna ni hial ah an ngai an ti.