Mizo Elite News hi ṭha i tihzawng a nih chuan min lo Follow dawn nia

Brad Pitt leh Angelina Jolie te an fa enkawl chungchang a inbeihna ah thu tlukna felfai tak siam

Hollywood Couple hmuhnawm ber te zinga sawi thin Actor, Brad Pitt leh a nupui Angelina Jolie te chuan an inthen hnu in an fate enkawl zel dan tur kawng ah an inkhing a,a tawp ah chuan Judge ten thu tlukna fel fai tak an siam sak.

Angelina Jolie hian heng an fate 6 Pax (17), Zahara (16), Shiloh (14) leh phir kum 12 Vivienne leh Knox te enkawl chungchang ah hian amah in thuneihna pumhlum a nei thei ngawt lova, Brad Pitt nen hian a fate ah thuneihna inzah ve ve an nei tawh dawn a ni.

He Custody battle ah hian an fapa upa ber Maddox erawh kum 19 mi a ni tawh a, mahni inhai kaw chawp thei leh puitling a chhiar a nih tawh vangin he custody battle hian a huam tel ve dawn lo thung.

Brad Pitt leh Jolie te kum 2 an inneih chhung in fa 6 an enkawl a, an fate 6 zinga 3 hi an thisen zawm ngei niin midang 3 te erawh fa lak (adopt) an ni thung.

Source thenkhat in a tarlan dan in Jolie hian an fate lakah hian thu neihna pum hlum neih vek tum ang in an sawi a, hetih lai hian Pitt hian a fate enkawl a an kianga hun hman ve a duh vangin a nupui hlui in an fate a hauh bik lutuk chu a rem ti hauh lo.

2016 khan Jolie hian Pitt nen an inthenna turin lehkha a thehlut a, mahse dan ang tak erawh chuan April 2019 ah chauh an inkar hi an ching fel thei. An inthen hnu atang an fate enkawl dan turah hian buaina an nei chho nghal a ni.