Mizo Elite News hi ṭha i tihzawng a nih chuan min lo Follow dawn nia

Brad Pitt bialnu thar a sawi Nicole chuan Pitt nupui hlui Jolie nen an inkar a sawi

Brad Pitt chuan a nupui Angelina Jolie nen an inṭhen hnu ah hmeichhe thar a tawng leh tawh tih chanchinbu hrang hrang ten an chhuah a, an awm dun dan aṭang te in thudik ngei a nih a rin theih.

Brad Pitt bialnu a an puh Nicole Poturalski hi Jolie ṭan tu te erawh chuan an lawm lem lo. Pitt hian hun an hman dunnna hmun turah Jolie nen an inneihna hmun kher a thlang tih te sawi a ni. Pitt hian Jolie hi a runluih ni hial te a rinna a awm.

Nicole erawh chuan Pitt nupui hlui Angelina Jolie nen an inkar a sawichhuah ah chuan inhmuhthiam lohna engmah an inkarah a thlen loh thu a sawi ve thung.

Instagram ah Nicole hian a thlalak post in “Happy people don’t hate,” tiin a ziak lang. Comment zingah pakhat chuan engvanga amah leh Brad Pitt te hian Angelina hi haw em em nge an nih tih a zawhna chu “tumah huatna a awm lo” tiin Jolie nen an inkar ah Bad Blood a awm loh thu in a chhang let.

Jolie ṭantu lam te hian Nicole thil sawi hi an pawm kher ang em tih chu hriat a ni ta lo.Pitt leh Nicole Poturalski te hi August thla aṭangin romance an nei ṭan anga tarlan a ni a, Paris khawpui ah private jet nen chhuakin hun an hmang dun.

Pawi ta ber erawh chu Nicole hi pawm lai nei a ni. Pitt nen sawi an nih lai mek hian pasal German restaurateur Roland Mary, 68 nen an innei reng. Fapa kum 7 mi Emil an nei bawk.

Source chuan Nicole leh Mary te inneihna erawh Open Marriage a ni tih Dailymail a hrilh. Pitt nen hian a pasal restaurant a an inhmuh hnu aṭang an inhmelhriat a, Pitt hian Berlin a a film ‘Once Upon a Time in Hollywood’ a promote lai mek in a ni. Mary hian thikthu a pe chhe lutuk lo a nih hmel. Hetih lai hian Pitt erawh mi nupa inkar tihchhiat tum angin sawiselna a lp dawng ve bawk.

Pagesix