Mizo Elite News hi ṭha i tihzawng a nih chuan min lo Follow dawn nia

Brad Pitt An Jolie Nen An Inneihna Hmuna A Bialnu Thar A Hruaiah Jolie Ngaihdan Tur A Ngai Pawimawh Lo

Kum 50 ral a kai tawh chung in hmangaihna kawng ah Brad Pitt hian zingkawng ala zawh chho ṭan dawn chauh a ang.

Tunlaia khawthlang milarte chanchinthar luah hneh ber tu zingah Brad Pitt hi a awm vang mai a, a chanchin ngaihven hlawh tak hi a bialnu thar neih chungchang a ni.

A bialnu thar a sawi hi kum 27 mi lek model Nicole Poturalski a ni a, an mahni lam in sawichhuak kher lo mahse an inkawp ni ngei tih rintheih turin chanchinbu mi leh paparazzi lam ten an pahnih thlalak thar lam deuh deuh te an thehdarh chuai chuai bawk.

Pitt hian kar kalta khan a bialnu thar a an sawi Nicole Poturalski hi South Of France a Chateau Miraval ah a hruai tih Dailymail in a report. Heti lai hmun hi kum 6 liam ta a Pitt leh Jolie te inneihna a lo ni bawk hian sawi a ti tam zual. 2014, Aug 23 ah Chateau Miraval ah hian an innei.

Pitt hian an inneihna hmun a ni tih a rilru ah a vawng ru reng awm si a, a nupui hlui Jolie a ruihluih duhna te pawh a ni thei tho.

Source pakhatin US Weekly hnena a hrilh dan chuan Oscar-winning Troy actor hian a nupui hlui ‘Maleficent’ actress, Jolie in a lo ngaihdan tur ah a buai lo. An inneihna hmuna bialnu thar a hruai chungchang ah hian Jolie hi a thinrim emaw thinrim lo pawh nise engmah a bengkhawn lo a ti.

“Pitt an an inneih champha vuak vet ah Nicole hi Miraval ah a hruai a, Pitt hian a thiltih hi chiang tak in a hria a ni” tiin a sawi.

Pitt leh Jolie te inneih ceremony ah khan an fate 6 Maddox, 19, Pax, 16, Zahara, 15, Shiloh, 14, leh phir Knox & Vivienne, 12 te pawh inneih chhimtu zingah an tel. 2016 daih tawh khan inṭhenna an file a, tun thleng hian an inneihna hi a la fel thei lo. Custody battle hial neih a ni.

Buaithlak ta ber chu Pitt bialnu thar Nicole hi pawmlai nei a ni a Berlin-based restaurateur Roland Mary nen an innei. Mahsela an inneihna hi open marriage niin an report. Roland hian thikthu a pe chhe vak lo a ang. Twitter ah chawtui berah an ṭang mek a ni. Pitt hi a hma in Arrested Development’s Alia Shawkat nen inzui angin sawi an lo kai tawh bawk.

DM