Mizo Elite News hi ṭha i tihzawng a nih chuan min lo Follow dawn nia

Bollywood Star Zinga Hmasa Ber Turin Kangana Ranaut CRPF Commandos In Guard Ang, Y-Plus Security Pek A Ni

Bollywood star huaisen Kangana Ranaut chu tunlai Bollywood boruak a Sushant Singh thihna kal zel ah zep nei lem lovin thu tam tak a sawichhuak. Hei vang hian a nunna hial derthawng in a awm a, vauna hrang hrang te a dawng bawk.

Hemi a nih vang hian Central lam in venhimna hial a pek phah a, Y-plus security an pe. Kangana hi Shiv Sena leh Maharashtra sorkar nen an inbei vak. Mumbai chu Pakistan Occupied Kashmir (PoK) nen a lo tehkhin bawk nen boruak a so sang. Maharashtra a Politician ṭhenkhat ten Kangana hi an ngaithei teh chiam lo. Vauna hial an chhuah.

Kangana hi vawiin September 9 hian Mumbai leilung a rap dawn. Mahsela Mumbai Police te venhimna hnuaia awm chu a ngaih a ngam lo a, a duh hek lo. Himachal Pradesh Police te pawh a duh zawk. Himachal Pradesh lam te Kangana tan hian an inkau ṭha hle. Chief Minister Jai Ram Thakur chuan Kangana chu Himachal Pradesh fanu a ti a, tour a neih tura venhimna chungchang ah Kangana tan hian Himachal Pradesh a inpeih a ti bawk.

Kangana hian Home Minister Amit Shah hnen ah a hmalakna vangin Twitter ah lawmthu a hrilh. Vauna kara Mumbai a kal tura advice pe tu a ni. Kangana hi Personal Security Officer leh 11 armed policemen (commandos tiami) an venghim ang. Chief Justice of India, Law Minister Ravi Shankar Prasad te pawh Y-Plus Security Category ah hian an awm. Ram chhunga mi challang/zahawm leh high-profile persons te 60 vel ah security hi pek an ni. Kangana hi Bollywood star ah a hmasa ta ber.

Rajya Sabha member of the Sena, Sanjay Raut chuan Mumbai leilung rap tawh lo tur leh Maharashtra hnen ah ngaihdam dil turin a hriattir a. Sena workers hmeichhia ten Kangana hi Airport ah ben an lo tum tih te hial sawi a awm. Kangana erawh in “Sanjay ji you’re not Maharashtra.. I am returning on the 9th. Your people are saying I will be killed. We shall meet on 9th September. Jai Hind Jai Maharashtra.” a ti let ve leh hmak.

Kangana hian Bollywood ah a bikin Film Industry ah Drug(s) a hluar hle tih a sawichhuak. Sushant thih hma aṭanga Nepotism do ngar ngar tu niin Sushant thih hnua ṭawngkam nei tam ber a rawn ni zui ta bawk.

NDTV