Mizo Elite News hi ṭha i tihzawng a nih chuan min lo Follow dawn nia

Bollywood Star Sushant Singh Rajput Thi In Chhar

Kum in zet chu Bollywood Film Industry ah thihna in thla a zar a, lemchan thiam tak tak ten mual an liam zut zut hlawm mai.

Vawiin June 14 chawhnu lam khan Bollywood Actor, Sushant Singh Rajput chu Mumbai a Bandra a a chenna ah thi in an chhar a, a mah leh amah intihlum in a inkhaihlum nia tarlan a ni.

Sushant Singh Rajput hi kum 34 a upa lek a ni a, 2008 aṭang khan Television ah a inlan daih tawh. Kum 2013 khan “Kai Po Che!” ah a chang a, heta ṭang hian film lamah a zuanglut chho nghal a,Kai Po Che! vang hian Filmfare Awards ah Best Male Debut Nomination hial a dawng pha.

“MS Dhoni” te kha a hlawhtlinpui viau a ni. Kum 2019 khan Chhichhore leh Drive ah a chang leh a, he film hi a inlanna hnu hnung ber a ni ta nghal bawk.

Police lam chuan Sushant Singh Rajput hian rilru hahna nasa tak a tawk a, thla 6 liamta aṭang daih tawh khan depression hian alo tlakbuak tih an sawi a, a intihhlumna kiangah engmah lehkha hnuchhiah Suicide Note hmuh anilo bawk. Investigation neih nghal a ni.

A intihhlum hma lawk hian a former manager, Disha Salian chu Mumbai ah apartment chhawng 14 na aṭang zuangin a nunna a chan bawk a, Sushant pawh hian Disha Salian thihna hi a tuar zia Social Media ah alo tarlang hial nghe nghe.

NDTV